وقت اشاعت :Saturday,28 Jun 2008, 05:23 GMT 11:23 PST

افغانستان میں طالبان مزید مستحکم ہورہے ہیں، امریکا کی تشویش     

رپورٹ : بی بی سی ون ڈاٹ نیٹ  واشنگٹن

امریکی محکمہ دفاع نے کہا ہے کہ افغانستان میں طالبان مزید مستحکم ہورہے ہیں جبکہ پاکستانی قبائلی علاقوں سے عسکریت پسندوں کی مداخلت افغانستان میں سیکیورٹی کے لیے چیلنج ہے۔جنگ میڈیا کے مطابق امریکی کانگریس میں افغانستان کی صورت حال پر پیش کی جانے والی پینٹاگون کی رپورٹ میں کہا گیاہے کہ طالبان شمالی اورمغربی افغانستان میں پوزیشن مستحکم کررہے ہیں جبکہ مشرق اور جنوب کے دیہی علاقوں میں طالبان افغان حکومت کے لیے چیلنج بن چکے ہیں۔ادھر پاکستان کے قبائلی علاقوں میں موجود عسکریت پسندوں کی کارروائیاں بھی افغانستان کی مستقبل کی سیکیورٹی حکمت عملی کے لیے چیلنج بنی ہوئی ہیں ۔رپورٹ میں انکشاف کیا گیا ہے کہ ایسے ثبوت بھی ملے ہیں کہ افغانستان میں موجود مزاحمت کاروں کو ایران کی جانب سے بھی تعاون حاصل ہے۔ واضح رہے کہ امریکہ کی طرف سے مسلسل تشویش کا اظہا ر کیا جا رہا ہے کہ پاکستان کے قبائیلی علاقوں مین طالبان مستحکم ہو رہے ہیں۔