وقت اشاعت : Thursday, 27  December 2007, 15:30 GMT 20:30 PST

 
محترمہ بے نظير بھٹو کو جب ہسپتال لايا گيا تو ان کا سانس اور دل نہيں چل رہا تھا ڈاکٹر مصدق اے خان

رپورٹ : بی بی سی ون ڈاٹ نیٹ اسلام آباد

راولپنڈي ميڈيکل کالج اور الائيڈ ہسپتال کے پرنسپل پروفيسر ڈاکٹر مصدق اے خان نے کہا ہے کہ سابق وزيراعظم محترمہ بے نظير بھٹو جب زخمي حالت ميں راولپنڈي جنرل ہسپتال کے شعبہ ايمرجنسي ميں پہنچيں تو اس وقت ان کا سانس اور دل نہيں چل رہا تھا 45منٹ تک ہم نے ان کي جان بچانے کي سرتوڑ کوششيں کيں جو کامياب نہ ہو سکيں ۔ تاہم بے نظير بھٹو کے سر ميں ايک گہر زخم تھا جمعرات کو اين اين ئي سے خصوصي بات چيت کرتے ہوئے انہوں نے بتاياکہ سابق وزيراعظم محترمہ بے نظير بھٹو کو جيسے ہي ہسپتال ميں لايا گيا تو ان کا علاج معالجہ فوري طورپر شروع کرديا گيا اور متعلقہ ڈاکٹرز اور پيراميڈيکل سٹاف موقع پر پہنچ گياتھا۔جب ہم نے ان کا معائنہ کيا تو اس وقت ان کي سانسيں اور دل نہيں چل رہا تھا ميرے ہمراہ ڈاکٹروں کي ايک پوري ٹيم تھي جنہوں نے 45منٹ تک محترمہ کو ہوش ميں لانے کي کوشش کي ليکن تمام تر کوششيں بار ور ثابت نہ ہوسکيں انہوں نے بتاياکہ بے نظير بھٹو کے سر کا زخم بہت گہرا تھا جو ان کي ہلاکت کا باعث بنا جب ان سے پوچھا گيا کہ محترمہ بے نظير بھٹو کو کتني گولياں لگيں تو انہوں نے بتاياکہ ميڈيکل رپورٹ ميں ساري صورتحال واضح ہو جائے گي اس حوالے سے ابھي کچھ کہنا قبل از وقت ہو گا دوسري جانب سرجري کي ڈاکٹر شفگتہ ڈاکٹر سلميٰ ڈاکٹر عرفان اور ڈاکٹر ياسر نے شعبہ ايمرجنسي ميں صحافيوں کو بتاياکہ بے نظير بھٹو کو سر ميں دماغ والي جگہ پر گولي لگي تھي اور ان کا دماغ بري طرح متاثر ہوا تھا تاہم جب انہيں ہسپتال ميں لايا گيا تو اس وقت ان کي سانس نہيں چل رہي تھي۔