وقت اشاعت :Saturday,14 Jun 2008, 17:05 GMT 23:05 PST

پاکستان نے بھارت کو25 رنز سے ہراکر سہ فریقی کرکٹ ٹورنامنٹ جیت لیا
 

رپورٹ : بی بی سی ون ڈاٹ نیٹ  بنگلہ دیش


بنگلہ دیش میں ہونے والے سہ فریقی کرکٹ ٹورنامنٹ میں پاکستان نے بھارت کو25 رنز سے شکست دے کر ٹورنامنٹ جیت لیا ۔پاکستان کی جانب سے دئے گئے 316 رنز کے ہدف کے تعاقب میں بھارتی ٹیم 290 رنز بنا کر آؤٹ ہو گئی اور پاکستان نے25 رنز سے میچ جیت لیا ۔ پاکستان کی جانب سے عمر گل نے 4اور شاہد خان آفریدی نے 2 وکٹیں حاصل کیں ۔پاکستان کے کپتان نے ٹاس جیت پہلے بیٹنگ کا فیصلہ کیا جسے پاکستان بیٹسمینوں نے درست ثابت کرتے ہو ئے 315 رنز کابڑا اسکور بناکر مخالف ٹیم کو دباؤ میں لے لیا جسے بعد میں پاکستانی بولروں نے برقرار رکھتے ہو ئے بھارت کو شکست سے دوچار کردیا۔ بھارت کی طرف سے کپتان مہندرا سنگھ دھونی سب سے کامیاب بیٹسمین ثابت ہوئے انہوں نے59 گیندوں پر64 رنز بنائے اور آخر میں آؤٹ ہوئے جبکہ یووراج سنگھ نے56 رنز بنائے تاہم وہ بھی اپنی ٹیم کو کامیابی سے ہمکنار نہ کراسکے۔ جیو سپر نے یہ میچ شیر بنگلہ کرکٹ اسٹیڈیم بنگلہ دیش سے براہ راست نشر کیا اور دنیا بھر میں لاکھوں لوگوں نے اپنے اپنے گھروں میں بیٹھ کر یہ میچ جیو سپر پر دیکھا۔
کي